中国股票网
中国股票网
设为主页
收藏本站

今日恒指大裂口下挫 恒指日线图提醒见好即收

中国股票网 > 焦点直击 > 今日恒指大裂口下挫 恒指日线图提醒见好即收 来源:配资公司 转载注明出处
依家1点50分,今朝旧同事Nike whatsapp话12月15日结婚摆酒,真开心你人生其中一个重要时刻同我分享,虽然仲有两个半月到,但都预先祝你新婚快乐!要幸福唷~

但那边厢港股就真系唔多幸福,见到个市咁样跌法,大家都心大心细,连呢位准新郎哥Nike都同我讲话想入只汇控( 00005 )做长揸,真系咁钟意慨话,唯有劝你分注买,甚至系月供,都系嗰句:我当你个长揸系以年计,讲紧仲系十年八年嗰啲年计,如果唔系,就连赚时间值呢件事都会无埋。

开返恒指5分钟图睇,见今日恒指大裂口下挫后,由今朝10点20分开始跌幅出现收窄,喺10点55分一度高见25506点,跌幅收窄至6XX点,呢个时候SlowSTC(14,3)亦都由今朝keep住喺超卖水平上返去超买位,就计由10点50分至11点呢段时间,恒指熊( 53950 )高低位做过$0.068/$0.061 ,平均价就系$0.0645。如果乖乖地捉得到呢个位余,仲喺下半场先个市再脚软,喺1点15分至1点半呢段时间,趁5分钟图SlowSTC(14,3)落返去超卖时,将( 53950 )做day trade,按呢段时间( 53950 )高低位做过$0.075/$0.071,平均价就系$0.073,如是者一来一回赚幅为13.2%。

Miss咗个买入价都唔要,依家2点8分,恒指5分钟图SlowSTC(14,3)处于中轴水平,距离收市虽然唔够两个钟,但相信可以再等到上超买慨时候,但就要留心一样嘢,系啦,就系可能要过夜,咁就要做定心理准备。

返番去睇恒指日线图,恒指今日再度失守返守咗一个星期慨10天线,望高少少,比20天线(26232点)再高啲啲,系啦,就系条50天线(27540点)同条250天线(27458点),目前50天线仲高于250天线水平,不过两者依家只系相差82点,如果听日一开下方牛证街货重过条蓝鲸慨话,咁向下行再杀牛慨机会就会好高,技术指标再度转差不在话下,重点系条50天线有机会跌穿250天线,即系话「最终死亡交叉」将会出现,仍然有正股系仓慨就真系要绑好安全带,想避市慨就keep住唔好入嚟住,玩衍生工具慨亦都要提高警觉,见好即收。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。